Llinyn allweddol o ERAMMP yw ymgymryd ag Arolwg Maes Cenedlaethol yng Nghymru i ddarparu gwybodaeth er mwyn gwerthuso cynllun amaethyddol-amgylcheddol Glastir a Rheoli Tir yn Gynaliadwy parhaus.
Gan ail-samplu’r holl 300 sgwâr 1 cilomedr a gafodd eu samplu yn ystod y Rhaglen Monitro a Gwerthuso Glastir (GMEP, 2013-2016), bydd ein tîm arbenigol o 37 o dir fesurwyr yn cofnodi llawer o agweddau ar gefn gwlad Cymru, gan gynnwys ei chynefinoedd, ei rhywogaethau o blanhigion ac anifeiliaid, ei dŵr a’i phridd.
Bydd cofnodi cyflwr presennol amgylchedd naturiol Cymru drwy’r Arolwg Cenedlaethol yn ei gwneud hi’n bosib cynnal asesiad o safon o newid yn y dirwedd dros gyfnod, gan gyfeirio at ddata hanesyddol.
