Caiff gwaith maes ERAMMP ei gynnal gan dîm o 37 o fesurwyr proffesiynol profiadol a benodir gan UKCEH.
Mae ganddynt lefel uchel o sgiliau technegol eisoes fel botanegwyr, ond cyn dechrau'r arolwg, maent yn cwblhau rhaglen hyfforddi gynhwysfawr tair wythnos o hyd a fydd yn cynnwys pob agwedd ar gasglu data, iechyd a diogelwch, protocolau bioamrywiaeth, cymorth cyntaf a gyrru oddi ar ffyrdd.
Mae’r mesurwyr yn gweithio mewn timoedd gan ddilyn dulliau arolwg manwl a ddogfennwyd mewn llawlyfrau maes, i sicrhau cysondeb a chymharedd.
Sut caiff data ei asesu?
Fel yn achos holl ddata arolwg, mae bob amser amrywiad anochel wrth gofnodi. Felly, mae ein tîm o wyddonwyr yn llunio mesur meintiol a rhagweladwy o gysondeb a dibynadwyedd data. Cynhelir ymarfer sicrhau ansawdd arbenigol ac annibynnol ar wahân, gan ail-samplu nifer fach o leoliadau, i ddeall a sicrhau nad oes tueddiad sylweddol yn y data a gasglwyd.
