Arsylwi'r Ddaear

Mae Arsylwi'r Ddaear yn cynnig cyfle cyffrous ar gyfer monitro ac asesu

Gall technegau Arsylwi'r Ddaear (EO) gefnogi asesiadau cenedlaethol o gyflwr er mwyn datblygu dealltwriaeth gyflym o gyflwr cyfredol adnoddau naturiol a llwybr newid o’i gymharu â data’r gorffennol.

Mae defnydd EO yn helaeth, ac wrth ei gyfuno â rhaglen gadarn ar gyfer y ddaear (fel mae ERAMMP yn ei wneud drwy'r Arolwg Maes Cenedlaethol), gall ddarparu lefel uchel o hyder ar raddfa a hyd yn oed asesu ar raddfeydd llai.

Yn ERAMMP, mae EO yn cael ei ddefnyddio’n bennaf i asesu erydu pridd a nodweddion y dirwedd (megis nodweddion llinellol).

Mae rhagor o wybodaeth drwy'r dolenni isod.

Erydu pridd

Mae’r adroddiad hwn yn adolygu'r technolegau i gasglu tystiolaeth o erydu pridd, gyda ffocws arbennig ar y cyfleoedd lluniau posib neu arolygon delweddu lloeren yn eu darparu ar gyfer nodi lle mae erydu’n digwydd, ac yna gellir ei gysylltu â ffactorau tirwedd a defnyddio tir, gan ddarparu ffordd o nodi achosion a chynhyrchu strategaethau lliniaru.

Adroddiad 18. Erydu pridd

Dirywio'r pridd

Mae’r adroddiad hwn yn grynodeb byr yn dilyn Cam 1 o’r prosiect Diraddio Pridd yn ERAMMP. Mae’n amlinellu’r hyn a wnaed a’r hyn a fydd yn ofynnol ar gyfer Cam 2.

Adroddiad 45. Dirywio'r pridd

Mapio llwyni gyda lloeren a lidar

Mae Llywodraeth Cymru yn defnyddio data ar goetych a ffiniau caeau at ddibenion amrywiol, gan gynnwys cyflwyno cynllun, monitro amgylcheddol a chydymffurfiaeth reoleiddiol. Archwiliodd y prosiect hwn y potensial am ddata lloeren cydraniad uchel i ddarparu data gofodol cywir ar leoliad a hyd coetych.

Adroddiad 56. Mapio llwyni gyda lloeren a lidar

EO erydu a niwed pridd

Mae Arsylwi'r Ddaear (EO) yn cynnig llwyfan monitro pwysig ar gyfer datgelu erydu pridd a niwed iddo (SED). Yn yr adroddiad hwn, cyflwynir dwy astudiaeth achos. Mae’r gyntaf yn cymharu delweddau o gydranau gwahanol a’i gallu i ddatgelu nodweddion SED. Mae'r ail yn cymharu delweddau treigl amser ar gyfer asesu newidiadau mewn tirlithriad. Mae adran derfynol yn disgrifio rhai o’r heriau a’r cyfleoedd ar gyfer defnyddio EO i ddatgelu nodweddion pridd a’u newid.

Adroddiad 57. EO erydu a niwed pridd

Mae Arolwg Maes Cenedlaethol ERAMMP

Llinyn allweddol o ERAMMP yw ymgymryd ag Arolwg Maes Cenedlaethol yng Nghymru i ddarparu gwybodaeth er mwyn gwerthuso cynllun amaethyddol-amgylcheddol Glastir a Rheoli Tir yn Gynaliadwy parhaus.

Darganfod mwy am y NFS