Datganiad Preifatrwydd

Disgrifiad

Manylion

Mae data personol yn cael eu diffinio o dan Reoliad Diogelu Data Cyffredinol y DU (UK GDPR) fel 'unrhyw wybodaeth sy'n ymwneud â pherson adnabyddadwy y gellir ei adnabod yn uniongyrchol neu'n anuniongyrchol trwy gyfeirio at ddynodwr'.

Os ydych chi'n hawlydd cynlluniau Llywodraeth Cymru, mae eich gwybodaeth bersonol (enw, cyfeiriad, cyfeiriad e-bost, rhif ffôn) wedi'i darparu i UKCEH gan Lywodraeth Cymru. 

Os nad ydych yn hawlydd cynlluniau Llywodraeth Cymru, mae cwmni rheoli caniatâd UKCEH XSG ltd wedi eich adnabod o chwiliadau Cofrestrfa Tir EM a/neu wybodaeth sydd ar gael i'r cyhoedd. 

Ni chaiff eich data personol eu rhannu â Llywodraeth Cymru. Bydd UKCEH yn dal enwau, cyfeiriadau, cyfeiriadau e-bost a rhifau cyswllt sy'n ymwneud â pherchenogion tir sy'n berchen ar neu sy'n rheoli tir mewn ardaloedd arolygu yn unig.

Lleoliad y data

Mae gwybodaeth bersonol a ddarperir i UKCEH bob amser yn cael ei storio ar weinydd diogel yn y DU. Gall y data gael eu cyrchu gan nifer gyfyngedig o staff yn unig sy'n gweithio ar reoli a chyflawni'r NFS.

Mae ffurflenni papur ar gyfer caniatâd arolwg yn cael eu cadw'n ddiogel gan gwmni rheoli caniatâd UKCEH, XSG ltd. Mae gwybodaeth gyswllt yn cael ei darparu ar ffurf bapur i syrfewyr pan fyddant yn mynd allan i'r maes rhag ofn y bydd angen iddynt gysylltu â'r tirfeddiannwr, os oes diweddariadau, caiff y rhain eu cyflenwi'n electronig gan safle SharePoint diogel. Mae mynediad syrfewyr i'r safle hwn yn cael ei ddirymu ar ddiwedd pob tymor arolygu.  Mae'r holl syrfewyr a rheolwyr wedi cael hyfforddiant ar eu cyfrifoldebau mewn perthynas â GDPR y DU.

Mae gan UKCEH ardystiad Cyber Essentials ac mae ganddo weithdrefnau i ddelio ag unrhyw doriadau diogelwch data a amheuir. Os amheuir bod toriad yn digwydd, bydd UKCEH yn rhoi gwybod am hyn i Lywodraeth Cymru a fydd yn eich hysbysu chi ac unrhyw reoleiddiwr perthnasol lle mae'n ofynnol yn gyfreithiol i ni wneud hynny. 

Bydd UKCEH yn defnyddio'r wybodaeth a gesglir i gynhyrchu tystiolaeth sy'n cyfrannu, ond heb fod yn gyfyngedig i, adroddiad SLM ac adroddiadau Effaith fel sy'n ofynnol gan Ddeddf Amaethyddiaeth (Cymru) 2023.   Gellir cyhoeddi adroddiadau ar wefannau Llywodraeth Cymru neu ERAMMP. Ni fydd yr un o'r adroddiadau a gynhyrchir fel rhan o gontract ERAMMP yn cynnwys unrhyw wybodaeth y gellid ei defnyddio i adnabod cyfranogwyr unigol.

Pan fydd Llywodraeth Cymru yn cynnal dadansoddiad ychwanegol neu ymchwil ddilynol i gefnogi'r dibenion a amlinellir uchod, gall trydydd parti achrededig (e.e. sefydliad ymchwil neu gwmni ymgynghori) wneud y gwaith hwn. Dim ond o dan gontract y bydd unrhyw waith o'r fath yn cael ei wneud. Mae telerau ac amodau safonol Llywodraeth Cymru ar gyfer contractau o'r fath yn amlinellu gofynion llym ar gyfer prosesu a diogelu data personol.

Caiff eich data personol eu dal am hyd contract ERAMMP yn unig, ac wedi hynny, bydd UKCEH yn dileu eich data personol o systemau UKCEH.   Mae data personol a ddarperir gan RPW yn cael eu cadw ar systemau Llywodraeth Cymru fel y nodir yn yr Hysbysiad Preifatrwydd Grantiau a Thaliadau Gwledig, hynny yw, ddeng mlynedd ar ôl i chi fod yn rhydd rhag yr amodau grant a'r taliadau a wneir.

Mae ffurflenni papur a phecynnau arolygon yn cael eu cadw'n ddiogel gan gwmni rheoli caniatâd UKCEH XSG Ltd a'u rhwygo’n fân unwaith y bydd y broses ganiatâd wedi'i chwblhau

Mae'r pecyn arolwg sy'n cynnwys gwybodaeth am gontract yn cael ei ddychwelyd a'i dorri ar ôl y gwaith maes.